Duden
Güstern wusst ik nich genau, wo en Frömdwoort schreven ward.
Dor keem mi en Book to Hölp.
En Keerl, de
Konrad Duden heeten hett, hett in´n 19. Johrhunnert en Book rutgeven. Dor kannst kieken, wo wi all de
düütschen Wöör schrieven schölen. Vörher hebbt de Lüüd in dat domaalig Düütsche Kaiserriek all ünnerscheedlich
schreven. Later keem denn so´n Book ok för Frömdwöör rut. Un dat harr ik nu un
heff dor nakeken.
Mit´n beten Söken heff ik denn jo ok funnen wat ik söcht
heff. Goot, dat ik mi vör Johren dat Book köpt heff. Dat schall jo ok all sien
Ornung hebben.
Ik wusst jo nu wenigstens so teemlich wo dat Frömdwoort
schreven ward. Avers ik heff mi
dacht wat woll en maken schall, de överhaupt un gor nich weet wo he dat schrieven
schall. De hett denn
von´n Duden jo gor keen Hölp un finnt dat nich.
Mann, is dat allens vertrackt (schwierig)!
Eckhard Lakowski
26.03.2022
|
