Hätt de Winter 2008 sick woll verschlaapen
 un is to Ostern eers upwaakt?
 Dat hätt üm woll argert un draapen
 un överleggt nu, wat he dorut maakt.

 He kummt nu mit Fröst, veel Schnee un Haagel,
 let Vögels un Derten de Welt nich mehr verstaahn,
 geiht dat jüst frisch dreben Grön an `n Gaagel
 un dat Nüstboen kann so nich wiedergaahn.

 Van Schaaden beglieken let he sick nich lenken,
 he stüert sien Wark ohn Managerdrill
 un hannelt nich na minschlich Weertschkopsdenken,
 he maakt dat so as he will.

 De Technik un Chemie in d` Höcht böhren
 un Natuur falln laaten as wenn d` nix wär,
 dat deit irgendwenn maal een hörger Macht stören
 un schüddelt de Welt dörnanner ohn Kanon un Gewehr.

 Christa Arntz    

 27.03.2008