|
De letzt Smee
De letzt Smee hier vör Oort
hett tomaal dicht maakt ehre Poort.
Utgahn is van de Ess de Glut
un ok de Vörschlaghamer ruht.
De Fräsen hollt nu up to singen,
Amboßakkorde hört man nich mehr klingen.
Kien Iesen ünnert Peerhoof
verbreddt de Rök, kien Luud, kien Stoff.
Een lang Ära geiht nu to End,
mennigeen beduurt de Wend.
Schaa, dat sück kieneen find,
de neei Füür anleggt un ok zünd.
Doch de swoor Arbeid hört sück neet,
de mesten sünd ja so verwennt.
Se willt Traumjobs bloot geneten
un ok nich unnödig Sweet vergeten.
Villicht deit dat manch een noch beduren,
un dat Handwark bloot beluren.
Denn ganz veel solid Handwarksbranchen
verspreekt vandaag noch gode Chancen.
Adalbert Jahn
In Platt sett: Rudi Rabe
Archiv: Ernst Duden
14.07.2008
| 
