Politiker

Politiker wesen is hüt nich schwor,

lettst di wählen, denn is alles kloor.

Vör de Wahl kannst de Lüüd verkohlen,

na de Wahl brukst dat nich to hollen.

Allens wat du hest verspraken

bruukst’  naher doch nich maken.

Du sittst denn in Rat, un nur dat tellt,

kriggst jeden Monat Sitzungsgeld.

Is dat denn nich ganz famos,

ja, un denn gaht de Sitzungen los.

Alle willt nu düchtig sporen,

aber wu, sind se sik nich in kloren

Denn ward debattiert hen und her,

toletzt weet alle gornix mehr.

Man maakt noch `ne Dienstreis

un bild een Arbeitskreis.

Denn ward ok vör veel, veel Geld

een Goodachter noch bestellt.

Dat Goodachten is kompliziert,

wedder ward düchtig diskutiert.

Hett veel Geld zwor köst,

aber so richtig hett dat ok nich west.

Letzte Endes kummt dorbi nix rut,

sücht allens as an Anfang ut.

Een Partei, deiht de anner tarrn,

de Stüürn möt erhöht warn.

So geiht dat Johr vör Johr,

mit Sporn kamt de nich kloor.

Also ward denn eenfach beschlaten,

wi möt nee’e Schulden maken.

Ja so is dat hüt mal eben,

so ward ümmer uns Geld utgeben

Politiker beschlut dat denn rasch,

möt dat nich betahln ut egen Tasch.

De Bürgers hebbt keen Geld bold mehr,

ehr Portemonai is schlaff und leer.

.

Bürger haft vör Schulden vör Gericht,

worüm haft Politiker un Bürokraten nicht?

Wenn dat an ehr egen Sporbook güng

dat üm Dütschland beter stünd.

Weer dat so, änner sik veel öber Nacht,

an Bürgers ward na de Wahl nich dacht.

Politiker wesen is hüt nich so schwor,

Sitzungsgeld kummt pünktlich, dat is kloor.

Fröher as de Sitzungen holt wörn up Platt,

hebbt de se ümmer Geld doch hatt.

Dor wör noch regiert mit Verstand,

de harrn Geld liggen up de „Hohe Kant.“

Von Sitzungsgeld hebbt se ni wat hört,

hebbt sik nich üm  Paragaphen scheert.

Ik kann dat nich recht verstahn,

warum kann dat hüt nich ok so gahn?

Sitzungen in uns ole Muddersprak,

weer ok hüt noch ne gode Saak.

Bescheidenheit u een ehrlich Wort,

denn wör ok hüt Geld noch spoort.

C. Fr. Bautsch/2002

14.05.2011