Buurstammbookvers 

Van morgens bit avends sik plackern,

dat ganze Johr ackern und rackern.

Fröh morgens de Eerste bi’n Upstahn,

ehr de Sünn övern Hoff will upgahn.

Up’n Posten buten und binnen,

up’n rechten Platz jümmer to finnen.

Nix de Ogen und Ohrn entgahn laten,

wat kummt ümmer fast anfaten.

Uppassen dat jümmer allens recht liggt,

un weten, dat allens ok sien Recht kriggt.

Good sorgen för Froo und Kinner,

dat Veehtüg vergeten nich jümmer.

Utgeven nich mehr as wat’n kann,

un jümmer sik kieken de Tieden an.

Ok mal ene schwore Last erdrägen

un gode Nahberskupp plegen

Nich stöhnen, jammern, sik nich genieren,

ok düchtig mal een Fest to fieren.

Bi Fieravend avends de Letzte,

un upletzt vergnögt mang de Gäste.

Ümmer na vörn hen richten de Blick,

utnutzen stets de Ogenblick.

Rechtschaffen blieven, free und wohr,

denn kummt man ok as Buur noch kloor.

C. Fr. Bautsch

02.07.2011