Keen Tied wegen Geld

Wat is dat bloot för`n Schiet,

keen Minsch hett mehr Tied.

Up uns scheune Welt

dreiht sük alln`s bloot um d` Geld.

Een neei Huus mutt her,

ok Autos sünd Begehr,

un een groot Gestüt,

angeven bi de Lüd.

Rackern van fröh bit laat,

wenn de Kinner ok blaart,

dat Geld hett nu Vörrang,

anners grient noch de Bank.

Eerst wenn de Dood daar steiht,

un gaarnix mehr geiht,

denn is Geld nich mehr wichtig,

un Tied hett man nu richtig.

Horst Rehmann

21.04.2012