Mutterdag

Mutter, hör wat ik di segg,
vandag mit Respekt un Dank,
an ehrenwerten Mutterdag
geböhrt di höchsten Rang.

Ik leev di ganz van Harten,
bewunder dien Fähigheid,
ok diene Aard to scherzen,
diene Geduld un Lüstigheid.

För mi büst du een Diamant,
hell luchtend as een Stern,
eenzigardig un markant,
so as van Edelholt de Kern.

Ik hebb di geern dat ganze Jahr,
nich bloot an`n Mutterdag,
du büst mien Vörbild, büst mien Star,
du büst de Mutter, de ik mag.

De beste Mutter, de dat gifft,
dat stell ik ni in Fraag
ik wünsk di as Kind ganz leev
noch veele moije Mutterdag.

Horst Rehmann
07.05.2014