E-Mails

Wat hebbt wi hüüt vör een goodet Leven,
spaart veel Tied un Kraft,
köönt elektronisch alles wiedergeven,
wat eenstmals een Gepräch hett schafft.

Wi schickt een e-mail röver,
sülmst to`n Nahber oder in’t Büro,
of nah oder fern oder gegenöver,
wer schrifft de blifft, un is noch froh.

Wi leest nu anstatt to hör’n,
snackt nich, schoont dat Ohr.
Mööt nich de annern Lüüd stör’n.
un spaart Papier sogor.

Bruukt nich mehr telefoneeren
dat duurt faken ganz lang,
bruukst keen Breef mehr frankieren,
up Schönschrift achten, Gott sei Dank.

To`n sabbeln is de Tied to schaad,
man seggt ja: „Tied is Geld.“
Sabbeln maakt Politiker geraad,
daarüm gifft keen Freden in de Welt.

Weg sind de velen Stunnen,
mit de Hand to schrieven schon.
Wi gaht in`t Netz un dreiht daar Runnen
un maakt uns spraaklos daarvan.

Waarher, waarhen, ach dat sind Fragen,
maal sehn wat dat Neeis gifft.
Man kunn sik mal dräpen na paar Dagen
anstatt dat man ümmer E-Mails schrifft.

Mutt mi beielen, will di nich quälen,
heff keen Lust mehr, nu is dat so wied.
Mutt dütt noch rasch röver mailen.
Wünsch di noch ne gode Tied.

C. F. Bautsch
02.01.2015