Levensmotto

Mien Levensmotto heff ik in dree Wöör rinpackt.
„gut – sein – lassen“

Disse dree Wöör
goot – sien - loten

loot sik bold in jeden Satz mit ünnerbringen. Disse dree Wöör helpt mi wenn ik mol nich gode Gedanken heff. Denk ik an disse dree Wöör koom ik sotoseggen op beter Gedanken, de goot för mi sind. Jüst so goot helpt mi disse Wöör
   goot – sien un loten
wenn ik beste Gedanken in mien Kopp un Sinn heff.

Aver wenn ik an dree anner Wöör denk heff ik en dicken Hals. Disse Wöör sind jüst anners as de von mien Levensmotto. Disse dree Wöör sind:
„Gier – Geiz – Geld“

Wenn ik doran denk kann ik mi opregen orrer nich.
Gier – Giez un Geld.

Un jümmer dat Denken doran köönt Minschen verännern. Dormit dat allens sinnig blifft, mien Blootdruck nich hoochgeiht, mutt ik doran nich denken.

So hebbt mi disse dree Wöör al foken bi so´n Denken hulpen. Negative Denken un Gedanken sind för Minschen nich goot. Allens fallt op jeedeen Minsch torüch, de so denken deit. Gode Gedanken drievt Minschen an – slechte quäält, se köönt ok doot moken. Disse dree Wöör
goot – sien – loten

Dat is en Wunner un sind doch blots dree Wöör.
Ok is dat wunnerbor, dat gode Gedanken to de rechten Tiet koomt.

Gedanken sind ja ümmer ünnerweegs.
goot – sien – loten
is mien Levensmotto.

„Mien Levensmotto is mien Levenslehr“

Wilhelm Kappellmann
10.05.2019