| Störm in Harvst
In Harvst kummt ut Warmd un Koll een Störm togang, villicht sogor Orkaan.
De plustert veel dörnanner, lett tiedwies upmüert Steenen nich upnannerstaahn.
Schiens totaal fast inwussen grood Bööm word mit eer Wuddels man so to`d Grund rutreten, wer dor jüst bisteiht, de bevert, kann disse Natuurgewalten nich vergeten.
Süchse Harvststörms kriegt`n sogor bi old Minschen mit,
man glövt nich, wuveel Orkaanmacht noch in so old verlevt Veteraanen sit.
Se word dörschüttelt, bevert, kriegt dör dissen Orkaan kien Schlaap,
willt se sick överhaupt schulen oder willt se`d aftöben as`n hülplos Schaap?
De Orkaan moot aaber maal sinniger werden för de Veteraanen
un de Temperaturen moot in Gliekgewicht kaamen.
Bloß dordör kann de Fluur- un Bowarkschaaden villicht noch`n bäten in Greep holln werden, weiht noch mehr kört, denn sünd dat irgendwenn toveel Scherben.
Christa Arntz
19.10.2007 |
