Dat nie Moped

 Ik weer 15 un har vun min Vadder een ole Herkules Mofa arvt. Dat weer son halbautomatischen. Na ja, jedenfalls brukte man fröher keen Föhrerschien un ton Tüv brukte man ok nich. Nu weer de Kist al täämlich an Enn. Schuulblick los, Lich twei un Reifen blank. Ik fohr so avens vun de Jöögdgrupp na Huus, dor hölt mi unsen Schandarm an. De weer ganz opgerecht un kunn sick gornich mehr inkriegen. Wat mi infallen de, mit son Kist dör de Nach to suusen ohne Lich un denn noch friseert. He weer achter mi fohrt un ik har 40 Saaken op de Naaht. Dat hett em nich passt. Ik verklor em  dat ik dat nich mehr wiet na tohus heff un he man ruhich mull een Ooch todrücken kunn. Versekert weer ik ja schließlich. Man weer he giftich.

Anner Daag musste ik mit Mudder Rosi na de Schandarm koom. He reecht sick een viddel Stünn op  und denn seggt he , he hett noch een ole Peugeot in de Gerosch. De wull he verkoopen. Weer noch ganz gut in Schööt , nur dat Lich vörn weer twei. Weil min Moped ja nun schrottriep weer, wull he uns de Kist vör 350 Maak verkööpen. Min Mudder hett em denn noch een beeten daalhandelt und ik kreech em för 250 mit Verseckerung. He secht, he holt gau de Slötel, denn he weer Bang dat sin Söhn sunst dormit rumjuckelt un de weer erst 13. Ik keek nich schlech as ik seech dat he dat Moped mit Hanschellen anschlotten har. So, anschmeeten und glückli mit de roode Blitz na Hus. Tohuus froogt Mudder wie gau de loopen dörv. Ik sech 25. Dat is so. Dorno seggt se, ik weer 50 fohrt. Dat weer ja gauer as de Polizei erlaubt. „Na ja, sech ik , ik glööv de Gandarm hölt mi deswegen nich an. Köpt as seen un proovföhrt. Feine Kroom.“

He hett mi uk nur noch eenmul anholen und dat weer weil ik een Deern opn Gepäckdräger har. He hett beide Oogen todrücht, denn dat weer sin Dochter Sabine. Also alles nich ganz so schlimm.

Thies Reinhold
03.03.2020