Dreehunnertfievunseßtig Daag
Dreehunnertfievunseßtig Dagen,
un disse Dag vandag de lesd van ehr.
Mit wuvöl Lichtsinn, Lasten, Fragen,
steiht nu weer elk un een vör disse Dör.
De Dör daar vör uns steiht open,
un över’t Drüppel stappen geiht heel licht.
Man lööv, torügg kann nüms mehr lopen.
De Dören achter uns sünd alltied dicht.
O Herr, nu könt wi bloot noch beden:
Nimm Du de Last van’t ole Jahr up Di;
Du hest daarför doch sovöl leden.
Versökt noch eenmaal, noch een Jahr mit mi!
De open, de ofsloten Dören –
Dat geiht in’t Wild ‘, wenn Du uns d’Hand neet deist.
Laat uns tokomend Jahr weer spören,
dat Du uns fasthollst, dat Du mit uns geihst.
Ut: Plattdütsk Gesangbook: Daar kummt een Schipp
Karin Steiner
28.12.2007
