Minschen sünd verscheden

Minschen sünd verscheden

All Minschen sünd verscheden, dat ist good so. Minschen hebbt verscheden Menen, dat is good. Wo sütt dat ut, wenn de Minsch een kookt Ei ett un bi de dicke, swore Sied anfungen is? Anner Lü fangt bi de dünne, lichte Sied an to eten un meent, dat is richtig. Is dat egentlik egaal? Mutt een dat Ei mit`n Meß den Kopp ofhauen oder mutt een dat Ei ofpulen? Dat gifft Gegenstrieder de seggen, dat Ei mutt een so oder so rüm eten, sünst is dat verkehrt. Wat is richtig, wat is verkehrt?

Minschen hebbt verscheden Menen, dat is good. Wo sütt dat ut, wenn de Minsch een Banane ett? Wo is de ünnerste un wo de böverste Sied? Wo mutt een de Banane wiß holen, mit de rechte oder linke Hand? Wo mutt he anfangen to eten? Is dat de Stengelsied mit dat krumme Enn? Is dat egentlik egaal? Dat gifft wunnerbastige Snaterbüdels de seggen, dat mutt een so oder so rüm ofpulen, sünst is dat verkehrt. Wat is richtig, wat is verkehrt? Minschen hebbt verscheden Menen, dat is good, so oder so.

Wilhelm Kappelmann

17.06.2010