Dösig lopen
 |
|
Dösig lopen
Mitünner gifft dat ja ganz dösige Geschichten un vele Saken kamen tohoop, de scheev lopen. In Frankfurt hett en Rentner op dat Dack vun en grote Huus en Mann sehn un glieks de Polizei un Füerwehr anropen. De sünd denn ja ok mit de richtige Utrüstung un de richtige Lüüd anrückt. En lange Ledder to’n Dreihen harrn se dorbi, un so sünd se denn op dat Dack komen. Un as se dor boven weren, dor hebbt se de Mann funnen. Man he weer gor nich levensmööd un wull gor nich vun’t Dack rünnerspringen. He weer vun en Firma, de de groten Finster reinmokt un hett dor boven Foffteihn mokt. So as jümmers hett he dorbi en Buddel Beer vertehrt, hebbt se naher in den Polizeibericht schreven. Un du kannst hier keeneen de Schuld geven, de Rentner nich, die Füerwehr nich un den Putzmann ok nich! Gerd Thiessen |