Herzlich Willkommen!

Hilligavend…

Rut nu ut de Bedden.

Hilligavend steiht vör de Dör.

Drock is’d, up Foten neet pedden.

De Gesichter kriegen rode Klör

Anspitzt ward de Wiehnachtsboom.

De Stänner fast, de Boom kann stahn.

Vader sweet, de Visit boll koom.

Hett flink all’ns an to gahn.

Geschenken ohn Leevde verpackt.

Ehrder wass kien Tied daarvör.

Güstern smeten gau in’d Sack.

Hör to,  kloppt al an de Dör.

Dat Eten gau daalsloken.

Christ Geburt ward neet an dacht.

De Kersen ward angestoken.

Kien bliede Oog nu lacht.

Jeder een Paket denn nimmt.

Stahn in Schien van Kersen.

Nödig is, dat Geschenk man stimmt.

Ohn rechte Freid in Harten.

Openreten, wat nett verpackt.

Blots daran sük beruust,

wat ohn Leevde insackt.

 Na Lüsten ward denn tuuskt.

Wat ward ut disse Dag blots maakt?

De wahren Sinn lang vergeten?

Christ Geburt neet mehr an dacht?

An de Geschenken blot bemeten?

Herbert van Anken

18.11.2008