Herzlich Willkommen!

Bliev ruhig…

Klappt manches Maal nich so,

legg di beruhigt slapen,

een Döör is nu eerstmaal to

un dusend sind noch open.

Hest du Arger, hest du Sorgen,

geiht mennigmaal wat verkehrt,

Hauptsaak du büst klööker worden

un hest daarbi wat lehrt.

Snack wenig aver wahr,

un vör allen Dingen,

wat du köffst betahl in baar,

wat nich dien is, dat laat liggen.

Un sücht dat ut ok maal so slecht,

geiht maal wat daarneven,

dat löppt sik alln’s wedder t’recht,

so is dat nu maal in Leven.

Wu arm is doch de Minsch dran,

maakt sik oft dat Leven schwor,

de nich ok vergeven kann,

argert sik sülvst, dat is doch klaar.

Du leevst bloot eenmaal up de Erd,

een jeder Dag kummt nee,

veel grübeln is de Saak nich wert.

„Bliev ruhig,“ weest Bescheed?

C. Fr. Bautsch

12.05.2013