De Sülvermaan in de Stille Nacht
Wat glennt de Steerntjes klaar un hell,
in disse Hillig Nacht.
De witten Wulkjes glieden fell
so gülden in hör Pracht.
Se glennen wied van Himmel her
in disse hillig Tied.
De Maan belücht dat Wulkenmeer,
de Steerntjes tinkeln wied.
Oh Wiehnachtstied, Du leve Tied,
büst all siet Kinnerjahren
de moiste Tied so breed un wied
mit all Din Engelscharen.
De Steerntjes an de Wiehnachtsboom
sall för uns all bedüden,
de Wiehnachtstied is Hilligdom
waarto de Klocken lüden.
De Klocken lüd’t van Dörp to Dörp,
van Land to Land in disse Nacht.
De ganze Welt harr daarvan hört,
dat Christkind hör mit Freid bedacht.
Sin Gloov sull alle Welt wat lehrn,
so hollen wi disse Nacht in Ehrn.
De Welt, de muss verbetert weern,
fier’n alle Jahr de Wiederkehr.
Schriever unbekannt,
bearbeid van Karin Steiner
11.12.2012 | 