Herzlich Willkommen!

Hör doch, is Wiehnachtstied

 

Dör de Welt hör Unrüst, Larm

schient een Lucht so hell un warm,

röppt mit to: „Ik wies den Weg!

Wies dat Padd di un den Treei!“

 

Un dat tweede Lucht ward waak,

schient so hell dör Nacht un Daak,

röppt mit to: „O, Froo, nu hör!

Open sluut ik Poort un Dör!“

 

Un dat darde Lucht an`n Kranz

lücht up mit hellen Glanz,

röppt mit to: „O, Froo, nu kiek!

Open geiht dat himmelsk Riek!“

 

Un de veerde Keers lücht groot,

schient mi an un gifft mi Mood,

röppt mit to: „Nu is`t sowied,

hör doch Froo, is Wiehnachtstied.

 

Karin Steiner

01.12.2009