Herzlich Willkommen!

Malermester Fröhjahr

He is bekannt in Stadt un Land,
de Malermester Fröhjahr.
Al in Märtmaant hett he utmaakt,
Grau is`n Unding, is dat ja.

Friske Farven sünd nu fraagt,
heel veel Grön un Geel un Rood.
Blau un Witt sünd ok anseggt
in sien Fröhjahrsangebood.

De Mester is ganz wendig,
un arbeidt ok präzies.
Sien Warken sünd lebendig,
he förmt dat Paradies.

Eerst wenn Kolleg Sömmer röppt:
“Nu bün ik Herr in`t Huus“,
leggt Mester Fröhjahr af de Klufft
ut geiht dör`t Achterdör rut.

 Horst Rehmann
3.04.2014