Herzlich Willkommen!
|
Hopp, hopp, hopp de Levensgalopp Büst du eerstmaal up de Welt, köst dat Leven alltied Geld. Wenn du denkst, dat köst doch nix, versüchst du di, du Schieterbüx. Dat Standesamt mit de Papieren geiht sofort an diene Nieren. Dien Öllern betahlt eerst ohn veel Mucken mit Kopp- un ok mit Schullerzucken. Un denn kummt de Schooltied, is dat al wedder maal so wiet. Heften, Schrievtüg, Lineals un Böker kriggst nich umsünst, dat is wiss seker. Pubertät, Lehrtied und dat Studiüm smitt so mennig Keerl doch üm. Musst bedenken, du verdeenst noch nix. De annern willt dien Geld, un dat geiht fix. Un kummst du denn an`t Geldverdenen, musst du di eerst an Stüren wennen. Finanzamt, Stadt un de Gemeen treckt dien Geld, dat is gemeen. Un in een gewiss Öller kummt dat Geföhl, dat Allennigween bedüd nich völ. Een Fro moot her de du begehrst. To tweed is dat Leven düppelt wert! Nu fierst du ja in disse Jahr een rund Geburtsdag, dat is wahr. Denk torügg an moie Stünnen. De Tokunft sall sück ok woll finnen. Vergeet dien Sörgen un de Arbeid dormit di dat ewig good geiht. Dat ik di hebb, dat is so schön. Een groten Söten kriggst du van dien Marlen. 23.07.2009
|
