Uns Demokratie

De beste Staatsförm up de Welt,
dat is doch ja gewiss,
is een Demokratie mit Geld,
de ok noch spaarsaam is.

De Demokratie hett dat schwor,
alle willt mit regeern,
ja, dat is ok kloor,
an levsten sülvst kasseern.

Medien,  Presse un Religionen,
dat Kapital streevt na Macht nur,
hungern mööt Millionen,
zerstört wordt de Natur.

Uns dütsche Demokratie
gifft toveel Gesetze sik,
vör Chaoten gaht se in de Knee,
daar kummt man nich mehr mit.

Een jeder kann demonstreern,
friedlich, dat is ganz legal,
aver immer randaleern,
dat is doch nich normaal.

Zerstör’n, mit Steen schmieten,
Polizei mutt tokieken an Rand,
dat is doch nich to begriepen,
dat is een Schand vör uns Land.

Wat Chaoten daar anstellt,
hebbt vörn Staat nix daan,
bekoomt van Staat noch Geld,
dat dröff nich sien, dat geiht nich an.

In annern Länner weern de nie
randaleern, sik stellen quer un stur,
wi bruukt uns Demokratie,
anners gifft dat ene Diktatur.

Ach wenn dat bloos geev
mehr Ehrfurcht un Tofreedenheid,
beten mehr Nächstenleev,
Freden un Dankbarkeit.

De Demokratie hett’d schwor, ik wett,
dat mutt man bald kapeern,
nur well in Volk de Mehrheit hett
dröff ok dat Volk regeern.

C. F. Bautsch
15.03.2016