Pedelec

Pedelec

Mien Naver (Nachbar) hett sik leste Maand (Monat) een
nieges Fohrrad köfft.

Avers nich so en, wat wi kennen, so lang se dat erfunnen
hebbt.

Nee, dat is en vun de bi Senioren ganz belevten Dingers mit
Motoor un Akku, wat nu Pedelec heet. Dor sust bi us in de Naverschaft al mehr
mit rüm.

Mien Naver hett sik ok glieks ´n Helm un niege Schoh dorto
köfft. Nu is he elkeen Dag dor mit ünnerwegens. He söcht jümmer Schangs dormit
lostoföhren. Nülich fröög he mi sogoor, of he mi wat vun Bäcker mitbringen
schall. He wull sowieso en Radtuur maken.

Gistern heff ik em fraagt, of he mi ´n poor Rundstücken (Brötchen)
mitbringen kann.

Nee, seggt he, hüüt geiht dat nich. He mutt eerst den Akku
opladen.

Na, dor heff ik mi sülvst op mien Rad sett. Dat gung. Dat
hett jo keen Motoor un keen Akku.

Eckhard Lakowski
21.01.2022