Zirkus

As ik vör Johren mit use lütt Dochter in´n Zirkus weer, geev dat dor
ok´n Nilpferd.

De Dochter weer stolt un hett sik unbannig freut. De Deern
weer rein ut de Tüüt (aus dem
Häuschen) vun all dat, wat de Zirkuslüüd dor maakt hebbt un vun de Musik. Er Ogen weern an´n lüchten un se kunn kuum op
de Sittbank sitten blieven. Besonners wat
för ehr weer de Uptog (Auftritt) vun dat groote Nilpferd. De Lütte hett tohuus noch ehr Mudder opregt vertellt, dat dat
Nilpferd heele Salaatköpp in´t Muul kreegen
hett un wo dat Deert
de heelen Kopp mit een Tobieten freeten
hett.

Bloots in de Hannen klappen wull de lütt Deern tosomen mit
all de annnern Besökers partu nich.
Ok as ik er verkloort heff, dat de Bifall en Belohnung för de Deerten un Minschen is un de Artisten sik
doröver freuen, bliev mien Dochter still, kniep de Lippen tosomen und schüddelte mit´n Kopp.

So is dat, wenn ein lütt Göör al en bannig
utprintet (ausgeprägten) Willen
hett.

Eckhard Lakowski
26.03.2022