Harvstleven     

Riemel un op CD Nordische Leder vun: www.addi-kahl

Vun roote Haagbudden, vun blaue Schleen,

so ’n hitte Tee orrer leckern Wien,

dat sünd de Harvsttieden, as ik se mag,

un opetzt Botterlicker an Sünnendaag.

Swatte Flederbeersaft in uns Kommern,

all langen riep de Appeln över ’n Sommer.

Frei mi op Rosen-un de Gröönkohltiet,

jümmers to Harvst is dat sowiet.

Roote Ahornbläder an uns Kark.

in warme Strümp op ’n Wuchenmarkt,

dat is de Harvst in sien buntige Oort

ward veel besung’n in Leed un Woort.

Mitünner nächtens all dat eerste Ies,

bald ward man eerste Winterdaag wies

un warme Büxen un Polunner weller rut,

un ok de Klenner süht so dünn all ut.

Harvstleven kann grantig sien un schöön,

veel bontjebunte Farven gifft to seh’n.

in ’t welke Loof mit de Schooh rümrascheln

dat kann mi so bannig verwöhnen.

Harvstleven is ’n fiene Saak

bi ’n koolte Nees hölpt ’n stiefe Groog

Birnen, Bohnen un Speck vör mi de schiere Wahn,

dor laat ik anner Spiesen glatt för stahn.