Vörjahrsblömen in uns Tuun

Na völs to kold Winterdagen
Sneeifall, Ruugfröst, diesig Hemelsgrau
will een Sneeiklockje dat wagen
hollt na mehr Vörjahrsblömen Utschau;

un reckt sin lütt Kopp in de Runn,
sütt de witt Christrosen, de finen,
un de geel Winterling in't Grund -
ok Pannkooksblömen willt sük wiesen.

Blausteerns bleuth in witt, rosa, blau -
se ward waak, reckt herut dat Köpfchen.
Sneeistolt staht, violett bit grau,
lütt Vögels sökt na Foor för't Kröpfchen.

Tulpen kiekt neeisgierig in't Welt,
Oosterklockjes wegen sük in't Dau.
De Sünn lacht van't blau Hemelstelt.
Krokussen bleuht up in witt, geel, blau.

Klört Hyazinthen slaapt woll noch
un sölt sük man ganz flink besinnen.
De witt Narzissen bleuht nu doch:
Dat Vörjahr will up't Neei beginnen.

Karin Steiner
20.03.2016