Wiehnachten dit Johr
Wiehnachten dit Johr,
dat´s anners, dat´s woll wohr.
Corona is
do, so´n Schiet,
all mööt ut´nanner ween - ganz wiet.
Müch mi de Krankheit nienich halen
bin vörsichtig, de kummt op liesen Sohlen.
Un dreeg een Snutenpulli, wie gescheit,
hool Afstand, denn dat geiht.
Dit Wiehnacht´s anners as sunst in´t Leven,
de Lüüd wüllt von ehr Leev wat geven.
Vadder un Mudder hefft Di leev von Harten,
allns´ fein mookt, den Dannenboom mit Karsen.
Nu kann de Wiehnachtsmann kamen mit sien Peer
von´n Himmel.
Wees still! Höörst Du de Glöckchen, dat liese
Bimmeln?
He schall uns gau Geschenke bringen,
wi wüllt dorto´n poor Leder singen.
Corona schall
blots buten blieven.
Nur ohn dat is´t wedder´n feines Leven.
Horst Rübke
20.12.2021
|